சீமைத்தக்காளிப்பழம்.(மூலிகை எண்.323.).

• சீமைத்தக்காளிப்பழத்தினால் ரத்தத்திலும் குடலிலும் பற்றியுள்ள மாசுக்களை நீக்கி சுத்தப்படும்.
• ஐம்புலன் அறிவு விஷேசப்படும்.
• வயிற்றிலுள்ள விரணம்,
• மலச்சிக்கல்,
• பித்த உபரி முதலியன நீங்கும். 

சீமைச்சோம்பு.(மூலிகை எண்.322.).

• சீமைச்சோம்பால் வயிற்றுவலி.
• அக்கினி மந்தம்.
• வயிற்றுப்பிசம். முதலியவை நீங்கும்.

சீமைச் செவ்வந்திப்பூ or சாமந்திப்பூ .(மூலிகை எண்.321.).

• சீமைச் செவ்வந்திப்பூ அல்லது சாமந்திப்பூவால் ஸ்திரிகளுக்கு  தங்கிஉள்ள உதிர அழுக்கு வெளியாகும்.
• சீதசுரம்,
• அக்கினி மந்தம்,
• மூர்ச்சை முதலிய பிணிகள் நீங்கும்.

சீந்திற் சர்க்கரை.(மூலிகை எண்.320.).

• சீந்திற் சர்க்கரையால் இடைவிடாத பெரும் தாகம்,
• எலும்புருக்கி ரோகம்,
• ரத்தவாந்தி ரோகம்,
• மதுமேகம்,
• தேககாங்கை இவைகள் போகும்.
• இது கசக்கும்,

சீந்திற் கிழங்கு.(மூலிகை எண்.319.).

• சீந்திற் கிழங்கு.or சீந்தில் கொடிக்கு சர்வ மேகம்,
• ரத்த பித்தரோகம்,
• சுரம்,
• மாந்தசுரம்,
• பேதி,
• பித்தகணம்,
• ஆம்பில பித்த ரோகம்,
• சர்ப்ப விஷம்,இவற்றைப் போக்கும்.
• பசிதீபனம் உண்டாகும்.  

சீத்தாப்பழம்.(மூலிகை எண்.318.).

• சீத்தாப்பழத்தால் பித்த சிலேத்தும தொந்தம்,
• அக்கினி மந்தம் 
• சித்த பிரம்மை உண்டாகும்.
• சீதள உடம்புக்கு ஆகாது.

சிற்றுழா இலை.(மூலிகை எண்.317.).

• சிற்றுழா இலையால் இரத்தமூலம்.
• சீழ் மூலம்,
• வெட்டை,முதலிய ரோகங்கள் நீங்கும்.

சிற்றீச்சம்பழம்.(மூலிகை எண்.316.).

• சிற்றீச்சம்பழத்திற்கு சீதபேதி,
• உழலை நோய்,
• விரணம்,இவைகள் போகும்.
• புத்திக்கு மலினம்(மழுங்கும்)

      உண்டாகும்.

சிற்றீச்சங்குருத்து.(மூலிகை எண்.315.).

• சிற்றீச்சங்குருத்தால் ஸ்த்ரீகளுக்கு வயிற்றில் கட்டுப்பட்ட ரத்தவாத குன்மம் போகும்.
• இன்னும் நல்ல பசியும் தேஜஸும் உண்டாகும்.

சிற்றாமுட்டி வேர்.(மூலிகை எண்.314.).

• சிற்றாமுட்டி வேரினால் அஸ்திசுரம்.முதலிய பலவகை சுரங்களும்.
• பித்த நோயும்,நீங்கும்,
• கண்ணுக்கு ஒளியாம்.
• இது தைலங்களுக்கு உதவும். 

சிற்றாமணக்கு நெய்.(சிறிய ஆமணக்கு எண்ணெய்).(மூலிகை எண்.313.).

• சிற்றாமணக்கு நெய் பற்பல ஓளஷதங்களின் வெப்பங்களையும்,
• வாயுவினால் மூலத்தில் உண்டாகின்ற உஷ்ணங்களையும்,நீக்கும்.
• சிசுக்களை தாய் வளர்ப்பது போல் உடலை வளர்ப்பிக்கும்.

சிற்றரத்தை.(சிறிய அரத்தை).(மூலிகை எண்.312.).

• சிற்றரத்தையால் சரத்தி.
• பித்தம்.
• கரப்பான்,
• வாயு.
• சிரரோகம்,
• சிலேத்துமம்,
• திரிதோஷம்,
• சீதளம்,
• பல சுரம்,
• காசம் இவைகள் போகும்.

சிறு வள்ளிக்கிழங்கு.(மூலிகை எண்.311.).

• சிறு வள்ளிக்கிழங்கால் மந்தம் ,
• கரப்பான்,
• சிலேத்துமவிருத்தி,
• முளைமூலம் ஆகியன உண்டாகும்.
• உதராக்கினி கெடும். 

சிறுபுள்ளடி.(மூலிகை எண்.310.).

• சிறுபுள்ளடியால், எண்வகை மாந்தம்.
• சீதக்கட்டு,
• வாதாலசகம்,ஆகியன நீங்கும்.
• வற்றிய முலைப்பாலும் பெருகும். 

சிறுபீளை.(மூலிகை எண்.309.).

• சிறுபீளைச் செடிக்குத் தேகம் வெளிறல்,
• அசிர்க்கா ரோகம்,
• வாதமூத்திரக்கிரிச்சரம்,
• முத்தோஷம்,
• மூத்திரச் சிக்கல்,
• அஸ்மரி,
• அந்திர பித்தவாதம்,
• சோணிதவாதங்கள்,ஆகியன போகும். 

சிறுபசலைக்கீரை.(மூலிகை எண்.308.).

• அதிக சுவையுள்ள சிறுபசலை,புணர்ச்சியில் இச்சையும்,
• கபத்தை பெருக்கும்,
• தாகத்தையும்,
• சூட்டையும் தணிக்கும்,
• மலத்தை இளகச் செய்யும்.

சிறுநாகப்பூ.(மூலிகை எண்.307.).

• சிறுநாகப்பூவானது ஆண்குறியில் விழுகிற வெள்ளை,
• மார்க்கந்தப்பிய ஆவிருதவாதம்,
• காச ரோகம், இவற்றை விலக்கும்.

சிறுதேட்கொடுக்கு.or சிறுதேள்கொடுக்கு.(மூலிகை எண்.306.).

• சிறுதேட்கொடுக்கால் நமைச்சிரங்கு,
• விரணக் கரப்பான்,
• கீல் வீக்கம்,
• கொறுக்குமாந்தை,
• ஒழுக்குப் பிரமேகம்,
• பித்த வெள்ளை,
• அஸ்திர சிராவம், ஆகியன நீங்கும்.  

சிறுசின்னி.(மூலிகை எண்.305.).

• சிறுசின்னி இலைக்கு வண்டு கடி ,முதலிய கடி விஷங்கள் ,
• இன்னதென்று தெரியக்கூடாத செந்துக்களின் விஷங்கள்,
• இடுமருந்து,
• பிரமேகம்,
• கணச்சுரம்,
• அக்கினி மந்தம்,ஆகியன போகும்.

சிறுகுறிஞ்சா வேர்.(மூலிகை எண்.304.).

• சிறுகுறிஞ்சா வேரானது அற்பசெந்துக்களின் நஞ்சு,
• வாத சுரம்,
• வாத தோஷம்,
• காசம்,
• சுவாச காசம், இவற்றை போக்கும்.

சிறுகுறிஞ்சாக்கொடி.(மூலிகை எண்.303.).

• சிறுகுறிஞ்சாக்கொடி வாதநோய்,
• சீதபேதி,
• மாதாந்த உதிரச்சிக்கல்,
• அஸ்திதகசுரம்,
• காணாகடி விஷம்,
• வாத சுரம்,
• சந்நி பாதசுரம்,
• கப சுரம்,
• பித்த ஜிக்வாகண்டகம்,
• சந்ததசுரம்,
• தாக ரோகம்,முதலியவை நீக்கும்.  

சிறுகுறிஞ்சா இலை.(மூலிகை எண்.302.).

• பித்த குணமுள்ள சிறுகுறிஞ்சா இலை,அரை கடுவன்,
• சிரங்கு,
• காசம்,
• விஷ பாகம்,
• நாப்புண்,இவற்றை நீக்கும்.

சிறுகீரை.(மூலிகை எண்.301.).

• சிறுகீரையால் தூம்பிரநோய்,
• காசம் ,
• படலம்,
• பாதரச மருந்துகளின் வேகம்,
• விரணம்,
• மூத்திரகிரிச்சரம்,
• வீக்கம்,
• பித்த நோய்கள்,
• நாவி,மற்றும் பாஷாண விஷங்கள் போகும்.
• அழகு உண்டாகும்.