கடலைக்காடி(மூலிகை எண்:170.)

கடலைப் புளிப்பு என்கிற காடி பசி தீபனத்தை அதிகப்படுத்தும்,தவிர தேக அழலையையும் அதிகதாகம்,வாந்தி விக்கல் முதலியவற்றை பரிகரிக்கும்.

காடி நீர் (மூலிகை எண்:169.)

பழமையாகிய காடி சலத்தினால் பித்த மயக்கம்,சோபா ரோகம்,முதலிய சிற்சில ரோகங்களும்,அசீரணமும்,வாதாதி சாரமும் போகும்.உயர்ந்த மருந்துகளின் வேகத்தையும் தணித்துவிடும். 

காஞ்சொறி.(மூலிகை எண்:168.)

• காஞ்சொறியினால் சுர வெப்பம்,மேகம்,சொறிசிரங்கு,கபம்,வாதம்,முதலியன நீங்கும்.
• இந்த இனத்தில் பச்சை நிறத்தில் சிறுகாஞ்சொறி,பெருங்காஞ்சொறி என இரு விதங்கள் உண்டு.
• சிவப்பு ,கறுப்பு என இரண்டு விதங்கள் உண்டு.

• சிறுகாஞ்சொறி வேரானது சுவாச காசம்,திரிதோஷ சுரங்கள்,கரப்பான்,புண்,தாகம்.முதலிய வற்றை நீக்கும்.

• பெருங் காஞ்சொறி வேரானது இருமல்,இறைப்பு,சீதசுரம்,ஆகியன போகும்.

• செந்தொட்டிவேரினால் கீழ் வாதம்,விதாகம்,ரூட்சை,கடுவன்,இறைப்பு,கோழை ஆகியன போகும்.

• கருஞ்காஞ்சொறி வேருக்கு பொடி இருமல்,ஜலஸ்ராவம்,சிலேத்துமரூட் சை,அன்கு ரோகம்.ஆகியன நீங்கும்.
• 
  

காசினிக்கீரை (மூலிகை எண்:167.)

காசினிக்கீரை அஸ்தி தாதுகதசுரத்தையும் உதிரத்தழுக்கையும் வீக்கத்தையும் நீக்கும்.ரத்த விருத்தி செய்யும்.

காசாமரம்.(மூலிகை எண்:166.)

காசாமரப் பட்டையினால் உஷ்ணத்தினால் உண்டான நீர்சுருக்கு,வெள்ளை,பிரமேகம்,பேதி,சீதபேதி குணமாகும்.

காக்கை கொல்லி விதை.(மூலிகை எண்:165.)

• காக்கை கொல்லி வித்தால் பேன்கள் நாசமாகும்.ஆனால் புண்களுள்ள இடங்களுக்கு பூசக்  கூடாது.அப்படி செய்தல் புண் வழியாக விஷமேறும். 

காக்கட்டான்,மாமூலி என்னும் வெள்ளை காக்கட்டான்.(மூலிகை எண்:164.)

• காக்கட்டானை உட்கொள்ளப் பெருவயறு புரைக்குழல்,மலசலக் கட்டு,மாந்தம்,மலக்கிருமி சேர்க்கை ஆகியன நீங்கும்.

• மாமூலி என்னும் வெள்ளை காக்கட்டான் வேருக்கு வெள்ளை,பிரமேகம்,தலை நோய்,சுரம்,கண்நோய் போகும்.