கறுப்புப் பூலா (மூலிகை எண்:159.)

• கறுப்புப் பூலாங் குச்சியினால் பல்துலக்க வீரிய விருத்தியுண்டாகும்.
• இலை மூல ரத்தப் பெருக்கத்தைத் தடுக்கும்.
• பழமானது உதிருகின்ற ரோமங்களை உதிர வொட்டாமல் செய்யும்.

கறிமுள்ளி (மூலிகை எண்:158.)

• கறிமுள்ளியால் நெஞ்சிற் கோழைகட்டு காசம்,தமக சுவாசம்,சிலேஷ்ம சுரம்.ஆகியன நீக்கும்.
• கறிக்கு உதவாத முள்ளிக் காயானது வாத பித்த கப தோஷங்களையும்,சுரம்,சுவாச ரோகம்  ஆகியவற்றை நீக்கும்.

கள்ளி முளையான் அல்லது சீமை எருக்கு.(மூலிகை எண்:157.)

புளிப்புச்சுவை உடைய கள்ளி முளையான் தீபனத்தை யுண்டாகும்.வாத விகுணத்தையும் பித்த தோஷத்தையும் மாற்றும். 

கள்ளிமரம் (மூலிகை எண்:156.)

கள்ளிமரத்தின் கொம்புகளால் வாதத்தில் உண்டான குடைச்சல்,சுவாச காசம்,சூலைப் பிடிப்பு,குடல் வாதம்,அண்ட வாதம்,முதலியன நீங்கும். 

கள்ளி மரப்பட்டை :

கள்ளி மரப்பட்டையினால் நரம்புச் சிலந்தியும்,கப வாத தொந்த சந்நிபாதமும் வாதப்பிரகோபமும் நீங்கும்.  

களிப்பாக்கு(மூலிகை எண்:155.)

களிபாக்கைத் தின்றால் நெஞ்சிற் கோழையும் அதிசாரமும் மன மகிழ்ச்சியும் உண்டாகும் பித்த அருசி ஒழியும்.

களாக்காய்.(மூலிகை எண்:154.)

களாக்காய் :

புளிப்பு உள்ள களாக்காய்க்குக் காதடைப்பு,தாகம்,பித்த தோஷம்,வமனம்,அருசி,ரத்த பித்தம், போகும்.இன்னும் இதனால் தீவிரமான பசி உண்டாகும்.

களாப்பழம்:

நிலக்களாப்பழத்தை மிகு பசியில் தின்றால் சீதரத்தமும்,அதிமந்தத்தில் தின்றால் நல்ல பசியையும் உண்டாக்கும்.தொண்டை வலியும்,தலைக்கனமும்  நீங்கும்.

களாப்பூ :

நேத்திரத்தில் உண்டான கரும்படலம்,வெண்படலம்,ரத்தப் படலம்.சதை படலம் முதலிய ரோகங்களும் விலக்கும்.  

கழற்காய் அல்லது கழற்சிக்காய் அல்லது வஜ்ரபீஜம். (மூலிகை எண்:153.)

இதனை உரலில் போட்டு ஒவ்வொன்றாக இடித்து மேலே உள்ள கடின ஓடுகளை பிரித்து பார்க்க வெள்ளை நிறத்தில் பருப்பு இருக்கும்.இது மிகவும் கசப்பானது.அண்ட வாதம்.பக்கச்சூலை,வாதநீரேற்றத்தினால் வந்த வீக்கம்.வயிற்று நோய்,ஆகியன நீங்கும்.   

கழற்சி இலை :

கசப்புள்ள கழற்சி இலையால் அண்டவாதம்,சூலை,பிரமேகம்,பலவித குன்மம்,உட்சுடு ஆகியன நீங்கும்.