காறாக் கருணைக் கிழங்கு (மூலிகை எண்:189.)

• சிலேத்தும ரோகம்,
• வாத நோய்,
• ரத்த மூலவளை,
• அக்கினி மந்தம் இவைகள் நீங்கும்.
•  மிகுந்த பசி யுண்டாகும்.

காவட்டம்புல் (மூலிகை எண்:188.)

• காவட்டம்புல்லால் பேதி ,
• வயிற்று உப்பிசம்,
• குழந்தைகளுக்கு  காணும் மாந்தம்,
• உள் சுரம் ,
• கப மிகுதி முதலியவை நீங்கும்.
• காவட்டம்புல்லெண்ணெயால் மாந்தம் ,அஜீரணக் கழிச்சல்,இருமல்,சுரம் இவைகள் போகும்.

கார்போக அரிசி (மூலிகை எண்:187.)

• கார்போக அரிசியினால் கடுவன்,
• விரணம்,
• பயங்கரமான சர்ப்ப விஷம்,
• தாவர விஷங்கள், 
• வாத சிலேத்தும தொந்தம்,
• தினவு,
• யானை சொறி,
• கிரந்தி ஆகியன நீங்கும்.
• பித்தம் அதிகரிக்கும் என்பர்.

காரைப் பழம் (மூலிகை எண்:186.)

• காரைப் பழத்தால் சீதரத்தக்கடுப்பும்,அதிசார பேதியும் போம்.
• இப் பழத்தை தினம் ஒருவேளை அல்லது இருவேளை காலை ,மாலை சாப்பிட்டு வர சரீரம் குளிர்ச்சி பெறும்.
• இதற்கு துவர்ப்பு குணமுண்டு.இந்த பழமானது குடலிற்கும்,இரைப்பைக்கும் வலுவைக் கொடுப்பதுடன் உள் வெப்பத்தை யாற்றித் தாது விருத்தியைச் செய்யும்.
• காரை இலைக்குத் தக்கவாறு புளியைச் சிறிது அதிகமாகக்  கூட்டிக் கறி சமைத்து உண்பதினால் கடுப்பும்,ரத்தம் விழுதலும் குணமாகும். 

காய் வள்ளி கிழங்கு.(மூலிகை எண்:185.)

•   காய் வள்ளி கிழங்கு வாத ரோகத்தையும் சருமத்தின் மீது பெரிய,சிறிய,விரணங்களையும் உண்டாக்கும்.

•  உஷ்ணத்தை தணிக்கும்.

காய்ச்சுக் கட்டி (மூலிகை எண்:184.)

• காய்ச்சுக் கட்டியினால் பற்கள் இறுகும்.
• விரணங்களுக்கு இதைப் போட்டுவர ஆறும் .
• இதை உட்கொண்டால் மலத்திலுள்ள கருப்புநிறமான கிருமிகள் ஒழியும்.

காப்பிக் கொட்டை(மூலிகை எண்:183.)

• காப்பிக் கொட்டை முதலில் உற்சாகம்,தேக வலுவு,பித்தம்,இவற்றை உண்டாக்கும்.
• சிறுது பழக்கபடின் பசிதீபனத்தை நாளுக்கு நாள் குறைத்து தேஜசை மாறுபடச் செய்யும் .
• இது பேதி,நீர்க்கட்டு,காசம் ,சுரம் ,முதலிய ரோகங்களை கண்டவர்களுக்கு அதிக நன்மையுண்டாக்கும்.